Author: videoslearning.com

ស៊ើងមើង

👉ថ្នាក់ពាក្យជា គុណនាម
មានន័យថា ទើងមើង, ធ្មើង។
ឧទាហរណ៍៖ ធំស៊ើងមើង។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ើងទ្រើង

👉ថ្នាក់ពាក្យជា គុណនាម
មានន័យថា កន្ទ្រើងទើងមើង; កន្ទ្រើងស៊ុបទ្រុប។
ឧទាហរណ៍៖ សក់ស៊ើងទ្រើង។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ើកៗ

👉ថ្នាក់ពាក្យជា គុណនាម
មានន័យថា ដែលមានលំនាំ ឬដំណើរមើកៗ សាបរលាប។
ឧទាហរណ៍៖ ដើរស៊ើកៗ; ដំណើរស៊ើកៗ។

👉ថ្នាក់ពាក្យជា កិរិយាវិសេសន៍
មានន័យថា ដែលមានលំនាំ ឬដំណើរមើកៗ សាបរលាប។
ឧទាហរណ៍៖ ដើរស៊ើកៗ; ដំណើរស៊ើកៗ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ើកមមើក

👉ថ្នាក់ពាក្យជា គុណនាម
មានន័យថា ដែលមានលំនាំមើកៗ ខ្សោយៗ។
ឧទាហរណ៍៖ ដំណើរស៊ើកមមើក ( ព. ម. )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ើកពភ្លើក

👉ថ្នាក់ពាក្យជា គុណនាម
មានន័យថា ដែលមានលំនាំឬអាការមើកៗភ្លើកៗ សាបរលាប។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ើកពពើក

👉ថ្នាក់ពាក្យជា គុណនាម
មានន័យថា ដែលខ្សោយមានដំណើរឬឫកពារំងើកៗ។
ឧទាហរណ៍៖ មនុស្សស៊ើកពពើក ( ព. ម. )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូស៊ូ

👉ថ្នាក់ពាក្យជា នាមសព្ទ
មានន័យថា ឈ្មោះវល្លិមួយប្រភេទនាំពីអាមេរិកផ្នែកកណ្ដាល មកដាំលើភ្នំ ជាដំណាំនៅអាស៊ីផ្នែកអាគ្នេយ៍។ ផ្លែស៊ូស៊ូមានលក់ក្នុងផ្សារប្រទេសខ្មែរ គេប្រើជាបន្លែធ្វើសម្ល ឬឆា។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូវ៉ា

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ហ្វ៊ីជី។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូប៉ទ្រូ

👉ថ្នាក់ពាក្យជា គុណនាម
មានន័យថា ( ម. ព. ស៊ូទ្រូ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូទ្រូ

👉ថ្នាក់ពាក្យជា គុណនាម
មានន័យថា ដែលធំធូរៗ។
ឧទាហរណ៍៖ បង្វេចស៊ូទ្រូ, សម្ពាយស៊ូប៉ទ្រូៈ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូដង់

👉ថ្នាក់ពាក្យជា នាមសព្ទ
មានន័យថា ប្រទេស ស៊ូដង់, (រាជធានី/​រដ្ឋធានី) ខាទុំ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ូ

👉ថ្នាក់ពាក្យជា កិរិយាសព្ទ
មានន័យថា ប្រថុយ, ហ៊ាន; ខំប្រឹងមិនលែង, តាំងព្យាយាមមាំ ។
ឧទាហរណ៍៖ ស៊ូស្លាប់, ស៊ូទ្រាំ, ស៊ូធ្វើការ, ស៊ូទៅទាំងភ្លៀង។

                   មិនស៊ូ មិនប្រថុយ, មិនហ៊ាន ។ តស៊ូ តមិនលែង, តដោយប្រថុយ ។ ប្រើជា គុ ក៏បាន : ចិត្តស៊ូ ចិត្តដែលហ៊ានប្រថុយ, ចិត្តដែលប៉ិនទ្រាំ ។ ( ព. កា. ) : ស៊ូខំតស៊ូ ធ្វើតាមគំរូ អ្នកប្រាជ្ញព្រេងនាយ ស៊ូដាច់ស៊ូបង់ ព្រោះចង់ពណ្ណរាយ ស៊ូកុំឲ្យក្លាយ ទៅជាទុជ៌ន ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុលគឃុល

👉ថ្នាក់ពាក្យជា គុណនាម
មានន័យថា ដែលស្លុយសោត្រោរយាកខ្ជីខ្ជា។
ឧទាហរណ៍៖ ដណ្ដប់សំពត់ស៊ុលគឃុល។

👉ថ្នាក់ពាក្យជា កិរិយាវិសេសន៍
មានន័យថា ដែលស្លុយសោត្រោរយាកខ្ជីខ្ជា។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុយអែត

👉ថ្នាក់ពាក្យជា នាមសព្ទ
មានន័យថា ប្រទេស ស៊ុយអែត, (រាជធានី/​រដ្ឋធានី) ស្តុកខុល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុមទ្រុម

👉ថ្នាក់ពាក្យជា នាមសព្ទ
មានន័យថា ( សំ. ទ្រុម; បា. ទុម “ឈើ, ដើមឈើ”) ដើមឈើ, គុម្ពោត, ព្រៃដែលមានវល្លិរួបរឹតទ្រុបទ្រុលសុបប្រឡុប។
ឧទាហរណ៍៖ ពួនក្នុងស៊ុមទ្រុម ( ស. ប្រើជា សុមទុម អ. ថ. ស៊ុមធុម ) ។ ប្រើជា គុ. ក៏បាន : ឈើស៊ុមទ្រុម, គុម្ពោតស៊ុមទ្រុម, ព្រៃស៊ុមទ្រុម។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុមគ្រលុំ

👉ថ្នាក់ពាក្យជា កិរិយាសព្ទ
មានន័យថា សមគំនិតគ្នាបិទបាំងលាក់ទោសឬអំពើអាក្រក់។
ឧទាហរណ៍៖ ស៊ុមគ្រលុំជាមួយគ្នាមិនឲ្យគេដឹង។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុម

👉ថ្នាក់ពាក្យជា នាមសព្ទ
មានន័យថា ( ស. សរសេរជា ជុ៍ម ឬ ទ្រុម អ. ថ. ស៊ុម ) ខ្លោងដែលរចនាដោយស្លឹកទន្សែឬដោយស្លឹកឈើស្រស់ជាដើម មានសណ្ឋានជាខ្លោងទ្វារ ធ្វើជាលំអក្នុងវេលាធ្វើបុណ្យ ឬទទួលឥស្សរជនជាដើម
ឧទាហរណ៍៖ ធ្វើស៊ុមទទួលព្រះករុណាជាម្ចាស់ជីវិត។

                     ក្បាច់រចនាមានសណ្ឋានជាខ្លោង ដាក់ភ្ជាប់លើទ្វារឬលើបង្អួច
ឧទាហរណ៍៖ ស៊ុមទ្វារ, ស៊ុមបង្អួច ។

                     ( ស. សុ់ម .អ. ថ. ស៊ុម “អង្រុត” ) ប្រដាប់មានសណ្ឋានជាអង្រុត តែធំខ្ពស់សម្រាប់ក្រុងមាន់ជាដើម។
ឧទាហរណ៍៖ ស៊ុមមាន់។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុបស្ដ្រាភ្លុយអរ៉ូសែន

👉ថ្នាក់ពាក្យជា គីមី
មានន័យថា រូបធាតមិនចាំងពន្លឺដែលរងអំពើដោយអង់ស៊ីមដើម្បីបង្កើតសមាសធាតុចាំងពន្លឺ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុបទ្រុប

👉ថ្នាក់ពាក្យជា គុណនាម
មានន័យថា ស្លុប, យុលស្លុប; ទ្រុបទ្រុលឬទ្រុលទ្រុប។
ឧទាហរណ៍៖ ព្រៃស៊ុបទ្រុប, សក់ស៊ុបទ្រុប។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុប

👉ថ្នាក់ពាក្យជា នាមសព្ទ
មានន័យថា ( សំ. បា. សូប; បារ. ស៊ូប៉ិ៍ Soupe ) សម្លទឹក ។ ព. ទ. ឈ្មោះសម្លទឹកមួយប្រភេទ មានសញ្ជាតិអំពីប្រទេសអឺរ៉ុប។
ឧទាហរណ៍៖ តាមទម្លាប់, គេច្រើនប្រើទឹកស៊ុបតែក្នុងពេលបាយល្ងាច ( ម. ព. សូប ផង )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុន

👉ថ្នាក់ពាក្យជា កិរិយាសព្ទ
មានន័យថា ហួស, ជ្រុលហួស, ហួសប្រមាណ, ហួសកំណត់, លង់, លង់ជ្រុល។
ឧទាហរណ៍៖ ស៊ុនការ ហួសការ ។ ស៊ុនគំនិត ជ្រុលគំនិត ។ ស៊ុនដៃ លង់ដៃ ។ស៊ុនពេក ហួសពេក ។ ស៊ុនមាត់ ឬ ស៊ុនសម្ដី ជ្រុលមាត់ឬ ជ្រុលសម្ដី។ល។

👉ថ្នាក់ពាក្យជា កិរិយាវិសេសន៍
មានន័យថា ហួស, ជ្រុលហួស, ហួសប្រមាណ, ហួសកំណត់, លង់, លង់ជ្រុល។
ឧទាហរណ៍៖ ស៊ុនការ ហួសការ ។ ស៊ុនគំនិត ជ្រុលគំនិត ។ ស៊ុនដៃ លង់ដៃ ។ស៊ុនពេក ហួសពេក ។ ស៊ុនមាត់ ឬ ស៊ុនសម្ដី ជ្រុលមាត់ឬ ជ្រុលសម្ដី។ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុតទ្រុឌ

មានន័យថា ( មើលក្នុងពាក្យ ស្មុតទ្រុឌ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុត

👉ថ្នាក់ពាក្យជា នាមសព្ទ
មានន័យថា អណ្ឌៈសត្វ គឺពងសត្វ។
ឧទាហរណ៍៖ ស៊ុតចៃ, ស៊ុតមាន់, ស៊ុតទា ( ព. ខ្ព. )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ុកគ្រលុក

👉ថ្នាក់ពាក្យជា គុណនាម
មានន័យថា ដែលច្របូកច្របល់; ខ្ជីខ្ជា, ឥតសណ្ដាប់ធ្នាប់; កញ្ជះកញ្ជាយ។
ឧទាហរណ៍៖ ធ្វើការស៊ុកគ្រលុក; មនុស្សស៊ុកគ្រលុក។

                    សប្បុរសយល់ដោយមុខ ស៊ុកគ្រលុកពេកពុំជា កំណាញ់ក្រៅតម្រា សោតសឹងអាប់ប្រយោជន៍យស ( សាស្រ្តាច្បាប់កេរ្ដិ៍កាល )។

👉ថ្នាក់ពាក្យជា កិរិយាវិសេសន៍
មានន័យថា ដែលច្របូកច្របល់; ខ្ជីខ្ជា, ឥតសណ្ដាប់ធ្នាប់; កញ្ជះកញ្ជាយ។
ឧទាហរណ៍៖ ធ្វើការស៊ុកគ្រលុក; មនុស្សស៊ុកគ្រលុក។

                      សប្បុរសយល់ដោយមុខ ស៊ុកគ្រលុកពេកពុំជា កំណាញ់ក្រៅតម្រា សោតសឹងអាប់ប្រយោជន៍យស ( សាស្រ្តាច្បាប់កេរ្ដិ៍កាល )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ឹង

👉ថ្នាក់ពាក្យជា និបាតសព្ទ
មានន័យថា ( ព. សា. ) ស្ទើរនឹង, វិះនឹង។
ឧទាហរណ៍៖ ពិបាកស៊ឹងស្លាប់។

                      ស៊ឹងនឹង ឬ ស៊ឹងតែនឹង និ. ស្ទើរនឹង ឬ ស្ទើរតែនឹង។
ឧទាហរណ៍៖ ពិបាកចិត្តស៊ឹងនឹងទ្រាំមិនបាន។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី—

មានន័យថា ( មើលក្នុងអត្ថន័យរបស់ពាក្យ ស៊ី កិ. )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​អាចម៍​ផឹក​ទឹក

👉ថ្នាក់ពាក្យជា កិរិយាសព្ទ
មានន័យថា (ព. សា.) អក​អាចម៍​អាភៀន​ ហើយ​ផឹក​ទឹក រំលេម​លេប​ជា​មួយ​នឹង​ទឹក​ទៅ (លេប​អាចម៍​អាភៀន) ។ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ឡឹប

👉ថ្នាក់ពាក្យជា កិរិយាសព្ទ
មានន័យថា កិប​បំបាត់​យក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សំណែន

👉ថ្នាក់ពាក្យជា កិរិយាសព្ទ
មានន័យថា ស៊ី​ភោជន​ដែល​គេ​សែន ។ ព. ប្រ. ស៊ី​សំណូក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សំណូក

👉ថ្នាក់ពាក្យជា កិរិយាសព្ទ
មានន័យថា ទទួល​យក​ប្រាក់ ​ឬ​របស់​ដែល​គេ​សូក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សំ

👉ថ្នាក់ពាក្យជា កិរិយាសព្ទ
មានន័យថា ស៊ី​រំអិល​គ្នា​ឯង (និយាយ​តែ​ពី​ត្រី​រំអិល​ពួក​ខ្លះ) ។
ឧទាហរណ៍៖ ត្រី​ឆ្លាំង​ស៊ី​សំ ត្រី​ឆ្លាំង​ដែល​ប្រជុំ​គ្នា​ជា​ពួក​ជា​ហ្វូង​ចចឹក​ស៊ី​តែ​រំអិល​គ្នា​ឯង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សោហ៊ុយ

👉ថ្នាក់ពាក្យជា កិរិយាសព្ទ
មានន័យថា ចុះ​សោហ៊ុយ, ត្រូវ​ចាយ​ប្រាក់​តាម​ការ​ប្រកប
ឧទាហរណ៍៖ ការ​នុះ​មិន​ស៊ី​សោហ៊ុយ​ច្រើន​ប៉ុន្មាន​ទេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សាប់

👉ថ្នាក់ពាក្យជា កិរិយាសព្ទ
មានន័យថា និយាយ​ពី​ទូក-ង​មាឌ​ទន់​បាន​តែ​អុំ​សាប់​ឲ្យ​ញាប់​ច្រវា​ទើប​លឿន
ឧទាហរណ៍៖ ទូក​នេះ​ស៊ី​សាប់ អុំ​យាង​យាវ​មិន​លឿន​ទេ (ព. ផ្ទ. ស៊ី​ទម្លាក់ ឬ ស៊ី​យាងយាវ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សាច់​ខ្នង

👉ថ្នាក់ពាក្យជា កិរិយាសព្ទ
មានន័យថា (ព. ប្រ.) ស៊ី​សំណូក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​សាច់

👉ថ្នាក់ពាក្យជា កិរិយាសព្ទ
មានន័យថា បរិភោគ​សាច់ ។ ព. ប្រ. ខឹង​ខ្លាំង, ខឹង​ខ្លាំង​ស្ទើរ​ហ៊ាន​ស៊ី​សាច់ ។
ឧទាហរណ៍៖ ខឹង​ស៊ី​សាច់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​វេលា

👉ថ្នាក់ពាក្យជា កិរិយាសព្ទ
មានន័យថា អស់​វេលា, ខាត​វេលា
ឧទាហរណ៍៖ ការ​នុះ​ស៊ី​វេលា​ច្រើន​ណាស់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​រះ​សង​ខាង

👉ថ្នាក់ពាក្យជា កិរិយាសព្ទ
មានន័យថា ចេះ​រេ​បែរ​លៃ​លក​យក​ប្រយោជន៍​ឲ្យ​បាន​ពី​មនុស្ស​ទាំង​ពីរ​ខាង ។ ព. ទ. បុ. នាង​តី​ស្មា​គាង ស៊ី​រះ​សង​ខាង​មិន​ឲ្យ​ឃ្នើស​ចិត្ត និយាយ​ពី​អ្នក​ដែល​ចេះ​ផ្គាប់​ចិត្ត​មនុស្ស​ទាំង​ពីរ​ខាង ដែល​ទាស់​អធ្យាស្រ័យ​គ្នា មិន​ឲ្យ​អាក់​អន់​ចិត្ត​យក​លើ​ខ្លួន​ផង ឲ្យ​កើត​ប្រយោជន៍​មក​លើ​ខ្លួន​ផង ដូច​ជា​ស្រី​ម្នាក់​ឈ្មោះ តី ដែល​មាន​ប្តី​ពីរ​ចេះ​ផ្គាប់​ចិត្ត​ប្តី​ទាំង​ពីរ​នាក់​មិន​ឲ្យ​អាក់អន់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​រាក់ ឬ ស៊ី​ទឹក​រាក់

👉ថ្នាក់ពាក្យជា គុណនាម
មានន័យថា ដែល​មាន​បាត​រាក់ (ចំពោះ​តែ​នាវា)
ឧទាហរណ៍៖ ទូក​ស៊ី​រាក់ (ព. ផ្ទ. ស៊ី​ជម្រៅ ឬ ស៊ី​ទឹក​ជ្រៅ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ម៉ង់

👉ថ្នាក់ពាក្យជា កិរិយាសព្ទ
មានន័យថា ស៊ី​ក្នុង​មួយ​រន្ធ​បាន​តែ​គ្រាប់​មួយ​ម៉ង់​ៗ (ក្នុង​ល្បែង​បាយខុំ) ។ ព. ប្រ. គួរ​នឹង​បាន​ច្រើន បែរ​ជា​បាន​តែ​មួយ​គត់​ ឬ​គួរ​នឹង​បាន​ចំណែក​ច្រើន​ទៅ​ជា​បាន​តែ​មួយ​ចំណែក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​មេ​កូន

👉ថ្នាក់ពាក្យជា កិរិយាសព្ទ
មានន័យថា យក​ទាំង​មេ​ទាំង​កូន ឬ​យក​ទាំង​ម្តាយ​ទាំង​កូន ។ ព. ប្រ. ស៊ី​ម្ដង​ពីរ​រន្ធ (ល្បែង​បាយខុំ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​មួយ​ចំហៀង​ស្រុក

👉ថ្នាក់ពាក្យជា កិរិយាសព្ទ
មានន័យថា បាន​ប្រយោជន៍​ពី​ក្នុង​ស្រុក​ចំនួន​ពាក់​កណ្ដាល ។ ព. ប្រ. លេង​ឈ្នះ​កាយ​យក​គ្រាប់​ពី​ប៉ែក​ខាង​គេ​អស់​ទាំង ៥ រន្ធ (ក្នុង​ល្បែង​បាយខុំ)។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​មិន​មុត

👉ថ្នាក់ពាក្យជា កិរិយាសព្ទ
មានន័យថា ធ្វើ​ការ​មិន​កើត​ ឬ​យក​ប្រយោជន៍​មិន​បាន ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ព្រោះ​លោះ​កម្លាំង

👉ថ្នាក់ពាក្យជា កិរិយាសព្ទ
មានន័យថា មិន​ធ្វើ​ការ​នឿយ​ហត់​ព្រម​ទាំង​បាន​សុខ​ស្រួល​ដោយសារ​កូន​ ឬ​កូន​សិស្ស​ចិញ្ចឹម​រក្សា ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ពី​មុខ

👉ថ្នាក់ពាក្យជា កិរិយាសព្ទ
មានន័យថា យក​បាន​ពី​មុខ ​ឬ​បំបាត់​យក​ពី​មុខ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ពី​ក្រោយ​ខ្នង

👉ថ្នាក់ពាក្យជា កិរិយាសព្ទ
មានន័យថា យក​បាន​ពី​ក្រោយ​ខ្នង ឬ​បំបាត់​យក​បាន​មិន​ឲ្យ​ដឹង​ខ្លួន ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ផ្អែម

👉ថ្នាក់ពាក្យជា កិរិយាសព្ទ
មានន័យថា ស៊ី​ចំណី​ផ្អែម ។ ព. ប្រ. រក​បាន​ដោយ​ងាយ​ៗ, មាន​ចំណេញ​ងាយ​ៗ, ងាយ​បាន​ប្រាក់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ផ្លែ​ត្នោត

👉ថ្នាក់ពាក្យជា កិរិយាសព្ទ
មានន័យថា ត្រូវ​គេ​បញ្ឆោត ​ឬ​ចាញ់​បោក​គេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ផ្តាច់​ស្រុក

👉ថ្នាក់ពាក្យជា កិរិយាសព្ទ
មានន័យថា យក​ប្រយោជន៍​បាន​ពី​ស្រុក​មួយ​ទាំងមូល ។ ព. ប្រ. លេង​ឈ្នះ​កាយ​យក​គ្រាប់​ទាំងអស់​ពី​ក្នុង​រន្ធ​មិន​ឲ្យ​អ្នក​ម្ខាង​ដើរ​ផង​បាន (ក្នុង​ល្បែង​បាយខុំ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ផេះ ! ឬ ស៊ី​តែ​ផេះ !

👉ថ្នាក់ពាក្យជា ព. សា.
មានន័យថា គ្មាន​អ្វី​ស៊ី (ម. ព. ផេះ ផង) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ផឹក

👉ថ្នាក់ពាក្យជា កិរិយាសព្ទ
មានន័យថា ស៊ី​ផង​ផឹក​ស្រា​ផង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រេង

👉ថ្នាក់ពាក្យជា កិរិយាសព្ទ
មានន័យថា បង្អស់​ប្រេង, ចុះ​ប្រេង
ឧទាហរណ៍៖ រថយន្ត​អ្នក ស៊ី​ប្រេង​តិច​ជាង​របស់​ខ្ញុំ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រាក់​រ៉ឺត្រែត, ស៊ី​រ៉ឺត្រែត ឬ ស៊ី​ប្រាក់​កម្រៃ

👉ថ្នាក់ពាក្យជា កិរិយាសព្ទ
មានន័យថា បាន​ប្រាក់​ដែល​ខ្លួន​អ្នក​រាជការ​ចាស់​ត្រូវ​បាន​រៀង​រាល់​ខែ (ដោយ​មិន​បាច់​ធ្វើ​រាជការ គឺ​ចូល​និវត្តន៍) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រាក់​រ៉ឺត្រែត, ស៊ី​រ៉ឺត្រែត ឬ ស៊ី​ប្រាក់​កម្

👉ថ្នាក់ពាក្យជា កិរិយាសព្ទ
មានន័យថា បាន​ប្រាក់​ដែល​ខ្លួន​អ្នក​រាជការ​ចាស់​ត្រូវ​បាន​រៀង​រាល់​ខែ (ដោយ​មិន​បាច់​ធ្វើ​រាជការ គឺ​ចូល​និវត្តន៍) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រាក់​ថ្លៃ

👉ថ្នាក់ពាក្យជា កិរិយាសព្ទ
មានន័យថា បាន​ប្រាក់​ដែល​ត្រូវ​បើក​តាម​កំណត់​ត្រឹម​តែ​ថ្លៃ​ដែល​ធ្វើ​ការ (ទិនិក) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រាក់​ខែ

👉ថ្នាក់ពាក្យជា កិរិយាសព្ទ
មានន័យថា បាន​ប្រាក់​ដែល​ត្រូវ​បើក​តាម​កំណត់​ពេញ​រៀង​រាល់​ខែ (មាសិក) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ប្រាក់ ឬ ស៊ី​ប្រាក់​កាស

👉ថ្នាក់ពាក្យជា កិរិយាសព្ទ
មានន័យថា បំបាត់​ប្រាក់ (មាន​បំបាត់​បា្រក់​រាជការ​ជាដើម) ឬ យក​ប្រាក់​សំណូក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​នៅ​មុខ

👉ថ្នាក់ពាក្យជា កិរិយាសព្ទ
មានន័យថា បំបាត់​យក​នៅ​មុខ ឬ​លួច​នៅ​មុខ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​នុយ

👉ថ្នាក់ពាក្យជា កិរិយាសព្ទ
មានន័យថា ត្របាក់​នុយ, លេប​នុយ ។ ព. ប្រ. ស៊ី​សំណូក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ធំ

👉ថ្នាក់ពាក្យជា កិរិយាសព្ទ
មានន័យថា ស៊ី​ម្ហូប​ច្រើន​មុខ​ ឬ​ចាយ​វាយ​ធំ (ព. ផ្ទ. ស៊ី​តូច) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ទម្លាក់ ឬ ស៊ី​យាង​យាវ

👉ថ្នាក់ពាក្យជា កិរិយាសព្ទ
មានន័យថា និយាយ​ពី​ទូក​ង​មាឌ​រឹង បាន​តែ​អុំ​ទម្លាក់​ច្រវា​ឲ្យ​យាង​យាវ​មួយ​ៗ​ទើប​លឿន
ឧទាហរណ៍៖ ទូក​នេះ​ស៊ី​ទម្លាក់ អុំ​សាប់​មិន​លឿន​ទេ (ព. ផ្ទ. ស៊ី​សាប់) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ថ្លៃ

👉ថ្នាក់ពាក្យជា កិរិយាសព្ទ
មានន័យថា យក​ថ្លៃ​ច្រើន (ព. ផ្ទ. ស៊ី​ថោក) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ថោក

👉ថ្នាក់ពាក្យជា កិរិយាសព្ទ
មានន័យថា យក​តម្លៃ​ថោក, យក​ថ្លៃ​តិច (ព. ផ្ទ. ស៊ី​ថ្លៃ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​តូច

👉ថ្នាក់ពាក្យជា កិរិយាសព្ទ
មានន័យថា ចាយ​វាយ​តូច ​ឬ​ស៊ី​ម្ហូប​តិច​មុខ (ព. ផ្ទ. ស៊ី​ធំ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ឈ្នួល

👉ថ្នាក់ពាក្យជា កិរិយាសព្ទ
មានន័យថា ធ្វើ​ការ​យក​ឈ្នួល, ទទួល​ជួល​ឲ្យ​គេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ឈ្នួល

👉ថ្នាក់ពាក្យជា កិរិយាសព្ទ
មានន័យថា ធ្វើ​ការ​យក​ឈ្នួល, ទទួល​ជួល​ឲ្យ​គេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ជំនោរ ឬ ស៊ី​បញ្ជោរ

👉ថ្នាក់ពាក្យជា កិរិយាសព្ទ
មានន័យថា ឡើង​បញ្ចោរ ។
ឧទាហរណ៍៖ មនុស្ស​ស៊ី​ជំនោរ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ជើង

👉ថ្នាក់ពាក្យជា កិរិយាសព្ទ
មានន័យថា កាត់​សាច់​ចង្វែក​ម្រាម​ជើង ។
ឧទាហរណ៍៖ ទឹក​ស៊ី​ជើង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ជី

👉ថ្នាក់ពាក្យជា កិរិយាសព្ទ
មានន័យថា ចាប់​យក​ជាតិ​ជី, ស្រូប​យក​ជាតិ​ជី
ឧទាហរណ៍៖ ដី​ស៊ី​ជី ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ជម្រៅ ឬ ស៊ី​ទឹក​ជ្រៅ

👉ថ្នាក់ពាក្យជា គុណនាម
មានន័យថា ដែល​មាន​បាត​ជ្រៅ (ចំពោះ​តែ​នាវា)
ឧទាហរណ៍៖ ទូក​ស៊ី​ជម្រៅ (ព. ផ្ទ. ស៊ី​រាក់ ឬ ស៊ី​ទឹក​រាក់) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ចំណេញ

👉ថ្នាក់ពាក្យជា កិរិយាសព្ទ
មានន័យថា យក​ចំណេញ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ចុក​បុក​ទំពា

👉ថ្នាក់ពាក្យជា ព. សា.
មានន័យថា ស៊ី​ចាយ​អស់​គង់​ជា​មួយ​គ្នា, អត់​ឃ្លាន​មាន​ស៊ី​ជា​មួយ​គ្នា ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ចុក

👉ថ្នាក់ពាក្យជា ព. សា.
មានន័យថា ស៊ី​ស្លា​ចុក​ថ្នាំ; ចិញ្ចឹម​ជីវិត​តាម​ប្រក្រតី ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ចាយ

👉ថ្នាក់ពាក្យជា កិរិយាសព្ទ
មានន័យថា ចាយ​វាយ​ស៊ី​ផឹក​តាម​តែ​ប្រទះ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​គ្នា

👉ថ្នាក់ពាក្យជា កិរិយាសព្ទ
មានន័យថា ត្រូវ​គ្នា, ដូច​គ្នា, សម​គ្នា; លើស​គ្នា
ឧទាហរណ៍៖ គំនិត​ស៊ី​គ្នា គំនិត​ត្រូវ​គ្នា; សំឡេង​មិន​ស៊ី​គ្នា សំឡេង​មិន​ត្រូវ​គ្នា; ចំណេះ​មិន​ស៊ី​គ្នា​ទេ ចំណេះ​មិន​លើស​គ្នា​ទេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​គំនិត ឬ ស៊ី​ប្រាជ្ញា

👉ថ្នាក់ពាក្យជា កិរិយាសព្ទ
មានន័យថា លួច​គំនិត​គ្នា, ដេញ​គំនិត​គ្នា, លួច​ល្បិច​គ្នា ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ខ្វាត់​បំបាត់​ពន្ធ

👉ថ្នាក់ពាក្យជា កិរិយាសព្ទ
មានន័យថា កិប ​ឬ​លួច​យក​ប្រាក់​បង់​ខ្វាត់​ទាំង​បំបាត់​ប្រាក់​ពន្ធដារ​ផង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ខាវ

👉ថ្នាក់ពាក្យជា នាមសព្ទ
មានន័យថា ជក់​ខ្យល់​ចំហៀង​ ឬ​ទទឹង
ឧទាហរណ៍៖ ក្តោង​ស៊ី​ខាវ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ក្រោម​ភ្នែក

👉ថ្នាក់ពាក្យជា កិរិយាសព្ទ
មានន័យថា បំបាត់​នៅ​មុខ ​ឬ​លួច​ប្រពន្ធ​គេ​បាន​ដោយ​ងាយ (ម. ព. វែក ១ ន. ផង) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ក្រចក

👉ថ្នាក់ពាក្យជា កិរិយាសព្ទ
មានន័យថា ចាប់​ត្រង់​សាច់​ក្បែរ​ក្រចក​មើល​មិន​ជា
ឧទាហរណ៍៖ ស្រែង​ស៊ី​ក្រចក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​ក្នុង ឬ ស៊ី​រូង

👉ថ្នាក់ពាក្យជា កិរិយាសព្ទ
មានន័យថា រូង​សាច់​ចូល​ទៅ​ក្នុង
ឧទាហរណ៍៖ ដំបៅ​ស៊ី​ក្នុង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​កម្លាំង

👉ថ្នាក់ពាក្យជា កិរិយាសព្ទ
មានន័យថា ពឹង​កម្លាំង​គេ ឬ​រស់​ដោយ​សារ​គេ​ចិញ្ចឹម
ឧទាហរណ៍៖ មាតា​បិតា​ស៊ី​កម្លាំង​បុត្រ (ម. ព. ស៊ី​ព្រោះ​លោះ​កម្លាំង​ផង) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ី​កម្រៃ

👉ថ្នាក់ពាក្យជា កិរិយាសព្ទ
មានន័យថា យក​កម្រៃ ឬ​គៃ​ឲ្យ​បាន​កម្រៃ​ខ្លះ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីសូផុន

មានន័យថា ( ម. ព. ស្រីសោភ័ណ ឬ —ភ័ន )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីសឹក

👉ថ្នាក់ពាក្យជា នាមសព្ទ
មានន័យថា ឈ្មោះល្បែងស៊ីសងមួយប្រភេទ ក្នុងពួកបៀក្រដាស។
ឧទាហរណ៍៖ លេងស៊ីសឹក ( ព្រះរាជរដ្ឋាភិបាលសង្គមក្នុងកម្ពុជរដ្ឋហាមមិនឲ្យលេងហើយ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីសង

👉ថ្នាក់ពាក្យជា កិរិយាសព្ទ
មានន័យថា ស៊ីខ្លះសងខ្លះ គឺលេងល្បែងភ្នាល់ណាមួយដែលមានស៊ីមានសងទៅវិញទៅមក។

👉ថ្នាក់ពាក្យជា គុណនាម
មានន័យថា ដែលភ្នាល់គ្នាមានឈ្នះមានចាញ់។
ឧទាហរណ៍៖ ល្បែងស៊ីសង ( ល្បែងនេះត្រូវព្រះរាជរដ្ឋាភិបាលសង្គមក្នុងកម្ពុជរដ្ឋបញ្ញត្តហាមហើយ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីវិឡាត

👉ថ្នាក់ពាក្យជា នាមសព្ទ
មានន័យថា ដែកសម្បុរ-ស ដែលប្រើធ្វើប៉ោតប្រេងកាតជាដើម ( មកពីប្រទេសក្រៅ )។
ឧទាហរណ៍៖ ដែកស៊ីវិឡាត, ប៉ោតស៊ីវិឡាត។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីលី

👉ថ្នាក់ពាក្យជា នាមសព្ទ
មានន័យថា ប្រទេស ស៊ីលី, (រាជធានី/​រដ្ឋធានី) សាន់ត្យាហ្គោ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីរ៉ូប៍

👉ថ្នាក់ពាក្យជា នាមសព្ទ
មានន័យថា ( បារ. Sirop ) ទឹកស្អិតមានរសផ្អែម លាយដោយមានគ្រឿងផ្សំមានស្ករ-សឬស្ករក្រាមនិងរសជាតិផ្លែឈើជាដើម ប្រើជាគ្រឿងផឹក ( ភេសជ្ជៈ )។
ឧទាហរណ៍៖ ស៊ីរ៉ូប៍ខាប់, ស៊ីរ៉ូប៍រាវ, ស៊ីរ៉ូប៍ក្រូចឆ្មារ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីរី (សាធារណរដ្ឋ)

👉ថ្នាក់ពាក្យជា នាមសព្ទ
មានន័យថា ប្រទេស ស៊ីរី (សាធារណរដ្ឋ), (រាជធានី/​រដ្ឋធានី) ដាម៉ាស។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីម៉ងត៍

👉ថ្នាក់ពាក្យជា នាមសព្ទ
មានន័យថា ( បារ. Ciment ) កំបោរវិសេស កាលណាសើមឬទទឹកឆាប់រឹង មានអាការជាថ្មសាច់រឹង ។ ស៊ីម៉ងត៍អារម៉េ ( បារ. Ciment armé ) បាយអលាយផ្សំដោយស៊ីម៉ងត៍, ខ្សាច់, ក្រួស, ដែក។
ឧទាហរណ៍៖ ចាក់ស៊ីម៉ងត៍អារម៉េ ( ហៅ បេតុង ឬ បេតុងអារម៉េ ក៏បាន; បារ. Béton ឬ Béton armé : ផ្ទះចាក់បេតុង ឬ ផ្ទះបេតុងអារម៉េ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីមឹង

👉ថ្នាក់ពាក្យជា កិរិយាសព្ទ
មានន័យថា សម្ដែងអាការខ្មាំងមឹលរកគ្នា; តស៊ូឥតញញើត។
ឧទាហរណ៍៖ ស៊ីមឹងរកគ្នា។

                       កិ. ដែលខ្មាំងមឹលរកគ្នា។
ឧទាហរណ៍៖ ចិត្តស៊ីមឹង, សម្តីស៊ីមឹង។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីមបាវ៉េ

👉ថ្នាក់ពាក្យជា នាមសព្ទ
មានន័យថា ប្រទេស ស៊ីមបាវ៉េ, (រាជធានី/​រដ្ឋធានី) ហារ៉ារ៉េ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីប៉ូឡាំង

👉ថ្នាក់ពាក្យជា នាមសព្ទ
មានន័យថា ថ្មកំបោរម៉្យាងពណ៌ប្រផេះ មានសរសៃឆ្នូតអង្កន់ៗ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីប៉ារេត

👉ថ្នាក់ពាក្យជា កិរិយាសព្ទ
មានន័យថា ដាក់កោយបោះលើផែនដីយឹតម្រាមដៃមួយផ្ទប់នឹងដីបាញ់តម្រង់ផ្ដួលកោយដាំ ( ក្នុងល្បែងអង្គញ់ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីប

👉ថ្នាក់ពាក្យជា នាមសព្ទ
មានន័យថា ប្រទេស ស៊ីប, (រាជធានី/​រដ្ឋធានី) នីកូស៊ី។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីនួន

👉ថ្នាក់ពាក្យជា គុណនាម
មានន័យថា សម្បុរ-ស​លាយ​លឿង​ខ្ចី​បន្តិច​ៗ, សម្បុរ-ស​លឿង​ខ្ចី​ប៉ផូរ ។ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីញេ

👉ថ្នាក់ពាក្យជា កិរិយាសព្ទ
មានន័យថា ចុះហត្ថលេខា គឺសរសេរឈ្មោះខ្លួនដោយដៃខ្លួនឯង តាមចំណាំដែលធ្លាប់តែសរសេររៀងមកយ៉ាងណាក៏ឲ្យនៅជាយ៉ាងនោះ( បារ. Signer )។
ឧទាហរណ៍៖ គាត់មិនព្រមស៊ីញេ . . . ( សព្វថ្ងៃនេះប្រើពាក្យថា ចុះហត្ថលេខាតាមសម័យនិយម )។

👉ថ្នាក់ពាក្យជា នាមសព្ទ
មានន័យថា ហត្ថលេខា គឺឈ្មោះរបស់ខ្លួនដែលខ្លួនបានសរសេររួចហើយ ដោយដៃខ្លួនឯងតាមចំណាំរៀងមក ( បារ. Signature ស៊ីញ៉ាតួរ ); សព្វថ្ងៃនេះប្រើពាក្យហត្ថលេខា តាមសម័យនិយមរបស់ប្រទេសកម្ពុជាឯករាជ្យ អព្យាក្រឹតទៅហើយ; រ. ស. ជា ព្រះហស្ដលេខា; ទ្រង់ឡាយព្រះហស្ដលេខា ។ ល ។ ( គួរកុំច្រឡំ ហស្ដ ជា ហស្ថ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីគោល

👉ថ្នាក់ពាក្យជា កិរិយាសព្ទ
មានន័យថា ដាក់កោយបោះលើក្បាលជង្គង់យឹតមេដៃឬម្រាមដៃមួយបាញ់តម្រង់ផ្ដួលកោយដាំ ( ក្នុងល្បែងអង្គញ់ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីគោល

👉ថ្នាក់ពាក្យជា កិរិយាសព្ទ
មានន័យថា ដាក់កោយបោះលើក្បាលជង្គង់យឹតមេដៃឬម្រាមដៃមួយបាញ់តម្រង់ផ្ដួលកោយដាំ ( ក្នុងល្បែងអង្គញ់ )។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត

ស៊ីក្លូនបញ្ច្រាសរាំងខ្ទប់

👉ថ្នាក់ពាក្យជា បច្ចេកសព្ទបរិស្ថាន
មានន័យថា អង់ទីស៊ីក្លូនមួយដែលវិលបញ្រ្ចាសស្ទើរតែនៅនឹងមួយកន្លែង ក្នុងរយៈពេលមួយសប្ដាហ៍ ឬយូរជាងនេះ ពីតំបន់ដែលមានរយៈទទឹងពីមធ្យមទៅខ្ពស់ ដែលអាចរារាំងដល់ការវិវត្តធម្មតានៃប្រព័ន្ធសម្ពាធខ្ពស់ និងសម្ពាធខ្យល់ទាបឆ្ពោះទៅទិសខាងកើត ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត