តើពាក្យ «អង្គោលបន្លា» មានន័យដូចម្ដេច ?

អង្គោលបន្លា

👉ថ្នាក់ពាក្យជា នាមសព្ទ
មានន័យថា ចុល្លព្រឹក្សនេះមានកម្ពស់ ៦ ទៅ ១២ម ដុះលើដីវាល។ កាលនៅតូចត្រឹមកម្ពស់នៅ ៦ ដើមនេះមានបន្លាច្រើន ឯបន្លានេះជ្រុះបន្តិចម្តងៗ ជិតអស់ ពេលដើមចាស់ទៅ។ រុក្ខជាតិនេះ ដុះក្នុងប្រទេសអាស៊ី ផ្នែកអាគ្នេយ៍។ ផ្លែបរិភោគបាន ឯផ្កាវិញ សត្វឃ្មុំចោមរោមជាច្រើន ដើម្បីជញ្ជក់លំអងយកទៅធ្វើទឹកឃ្មុំ។ ឈើអាចប្រើការធ្វើវត្ថុក្មេងលេង។ ជ័រអង្គោលបន្លា គេទុកសម្រាប់ធ្វើថ្នាំព្យាបាលជំងឺគ្រុន។ ខ្លឹមឈើ ពួកភ្នង និងខ្មែរលើដទៃទៀតជឿថា វត្ថុមួយអាចដេញទេពអរក្សអាក្រក់ឱ្យរត់ចេញពីខ្លួន និងលំនៅស្ថានរបស់ពួកគេ។
ឧទាហរណ៍៖ (ឯកសារយោង វចនានុក្រម រុក្ខជាតិប្រើប្រាស់ក្នុងប្រទេសកម្ពុជា )

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត