តើពាក្យ «ហិរិ» មានន័យដូចម្ដេច ?

ហិរិ

👉ថ្នាក់ពាក្យជា នាមសព្ទ
មានន័យថា ( បា.; សំ. ហ្រី ) សេចក្ដីខ្មាសទុច្ចរិត, ខ្មាសអំពើអាក្រក់, ខ្មាសបាប ។
ឧទាហរណ៍៖ មនុស្សមានហិរិ ។

                     ហិរិនិសេធ អ្នកដែលឃាត់អំពើទុច្ចរិតបានដោយអំណាចហិរិ, អ្នកដែលទប់ចិត្តមិនធ្វើអំពើអាក្រក់ ព្រោះមានហិរិ ( បើស្ត្រីជា ហិរិនិសេធា ) ។ ហិរិមន្ត ( —ម៉ន់ ) អ្នកមានហិរិ : មនុស្សហិរិមន្ត ( បើស្ត្រីជា ហិរិមតី ឬ—មន្តី ) ។ ហិរិឱត្តប្បៈ ឬហិរោត្តប្បៈ ( —ឱត-ត័ប-ប៉ៈ ឬ ហិរោត-ត័ប-ប៉ៈ ) ហិរិ និងឱត្តប្បៈ( សេចក្ដីខ្មាសបាបនិងសេចក្ដីខ្លាចបាប) ។
ឧទាហរណ៍៖​​ ហិរិឱត្តប្បៈជាធម៌សំខាន់របស់មនុស្ស ។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត