តើពាក្យ «ស្មាច់ , សាច់ចន្លុះ» មានន័យដូចម្ដេច ?

ស្មាច់ , សាច់ចន្លុះ

👉ថ្នាក់ពាក្យជា នាមសព្ទ
មានន័យថា ឈ្មោះព្រឹក្សមួយប្រភេទកំពស់ ៨-១៥ ម ដុះក្នុងព្រៃស្មាច់មាត់សមុទ្រ តែអាចដុះឆ្ងាយពីសមុទ្របាននៅអាស៊ីក្ដៅ ។ ឈើស្មាច់​ មិនធ្ងន់​ មិនស្រាល ឆាប់រលួយ ពុំអាចប្រើសង់ផ្ទះបានឡើយ ។​គេច្រើនប្រើឈើស្មាច់ជាឫសបុករណ្ដៅក្នុងទឹក ពីព្រោះក្នុងទឹកឈើស្មាច់ក្លាយជារឹងដូចរ៉ែ ។ សំបកខាងក្រៅ រសក ជាស្រទាប់ៗ គេអាចសកត្រាំជ័រទឹកធ្វើចន្លុះ ឬសំរាប់គ្របដំបូលខ្ទម ។ ស្លឹកស្មាច់ គេអាចចំហុយយកធាតុម៉្យាងមានក្លិនដូចកាបូ៍ ប្រើសំរាប់ឆ្ពុងព្យាបាល ជំងឺផ្ដាសាយ ឬរឹត លើកកន្លែងឈឺសន្លាក់ឆ្អឹង ។
ឧទាហរណ៍៖ (ឯកសារយោង វចនានុក្រម រុក្ខជាតិប្រើប្រាស់ក្នុងប្រទេសកម្ពុជា )

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត