តើពាក្យ «ស្បថ» មានន័យដូចម្ដេច ?

ស្បថ

👉ថ្នាក់ពាក្យជា កិរិយាសព្ទ
មានន័យថា ( ពាក្យក្លាយមកពី បា. សបថ; សំ. ឝបថ; និយាយក្រសោបខ្លីថា ស្បថ ) ប្រកាសសំបថ គឺពោលពាក្យសច្ចាប្រកាសសេចក្តីពិតត្រង់លាងខ្លួន ចំពោះមុខបុគ្គលដទៃ។
ឧទាហរណ៍៖ ស្បថកែខ្លួន, ស្បថយកឈ្នះ, ស្បថឲ្យរួចខ្លួន ( ម. ព. សបថ ផង )។

                    ស្បថប្រណិធាន ស្បថដោយមានសូត្រសច្ចាប្រណិធានផង ( ពាក្យសាមញ្ញនិយាយក្លាយជា ស្បថប្រាំធាន ) ។ ស្បថលាងខ្លួន ស្បថកែខ្លួន, ស្បថឲ្យរួចខ្លួន ។ ស្បថស្បែ ឬ ស្បែស្បថ ( ម. ព. ស្បែ )។ ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត