តើពាក្យ «ហែប» មានន័យដូចម្ដេច ?

ហែប

👉ថ្នាក់ពាក្យជា កិរិយាសព្ទ
មានន័យថា ងើបឬបង្ហើបក្បាលដកដង្ហើមក្រៅទឹក (ចំពោះតែមច្ឆជាតិ)
ឧទាហរណ៍៖ ត្រីហែប ។ ហែបហែល ហែបខ្លះហែលខ្លះ : ពួកមច្ឆាហែបហែលអង្កែលអង្កៃ ។

👉ថ្នាក់ពាក្យជា នាមសព្ទ
មានន័យថា រន្ធមួយរបស់ខ្លុយដោយឡែកផ្សេងអំពីរន្ធឯទៀត សម្រាប់បិទក្រដាសស្ដើង ឲ្យមានសូរសព្ទលាន់ឮរ៉ែ ។
ឧទាហរណ៍៖ ហែបខ្លុយ ( ស. ហប អ. ថ. ហែប គុ. “ដែលមានសូរសព្ទស្ងួត, ស្អា មិនស្រឡះ” ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត