ភ្នាក់ងារទេសចរ = Travel Agent (សទ្ទានុក្រមពន្ធដារ)

-គឺជាបុគ្គលដែលចូលរួមក្នុងការលក់ និងរៀបចំសម្របសម្រួលការដឹកជញ្ជូន ការស្នាក់នៅ ដំណើរកម្សាន្ត ឬការធ្វើដំណើររបស់អ្នកធ្វើដំណើរ។
-សម្រាប់កម្មវត្ថុនៃពន្ធ សំដៅដល់អ្នកជាប់ពន្ធតាមរបបស្វ័យប្រកាសដែលប្រកបអាជីវកម្មជាអ្នកជួយលក់ ឬកក់សេវាទេសចរណ៍ទាំងក្នុងនិងក្រៅប្រទេស ដែលក្នុងនោះមានសំបុត្រមធ្យោបាយធ្វើដំណើរក្នុង និងក្រៅប្រទេស សំបុត្រចូលទស្សនា សេវាស្នាក់នៅ និងអាហារក្នុងនិងក្រៅប្រទេស សេវាលិខិតឆ្លងដែន សេវាទិដ្ឋាការទូទៅ សេវាធានារ៉ាប់រង សេវាកែប្រែ ឬលុបចោលការកក់សេវាកម្សាន្តនានា និងសេវាទេសចរណ៍ផ្សេងៗទៀត ដោយរាប់បញ្ចូលផងដែរនូវការជួយលក់ខ្សែទស្សនកិច្ច ដែលបង្កើតឡើងដោយការីទេសចរ ដើម្បីទទួលបាននូវកម្រៃជើងសា ឬកម្រៃសេវា។