កំណើនតាមថ្នាក់ (អត្រាពន្ធ) = Progression (Tax Rate) (សទ្ទានុក្រមពន្ធដារ)

-ជាទូទៅ អត្រាពន្ធលើប្រាក់ចំណូលរបស់រូបវន្តបុគ្គលជាអត្រាកំណើនតាមថ្នាក់ពោលគឺប្រាក់ពន្ធត្រូវបង់កើនឡើង ទៅតាមអត្រាកំណើនតាមថ្នាក់សមាមាត្រទៅនឹងប្រាក់ចំណូលកើនឡើង។
-នៅក្នុងបរិបទពន្ធដារកម្ពុជា ពាក្យ “កំណើនតាមថ្នាក់” ត្រូវបានប្រើប្រាស់សម្រាប់ប្រភេទពន្ធលើប្រាក់ចំណូលសម្រេច ដោយរូបវន្តបុគ្គល សហគ្រាសឯកបុគ្គល និងសមាជិកម្នាក់ៗរបស់ក្រុមហ៊ុនសហកម្មសិទ្ធិ ដែលមិនត្រូវបានចាត់ទុកជានីតិបុគ្គល និងសម្រាប់ប្រភេទពន្ធលើប្រាក់បៀវត្សរបស់និយោជិតនិវាសនជន ដែលត្រូវបានកាត់ទុកដោយនិយោជក។