ស្វ័យប្រកាស = Self-Assessment (សទ្ទានុក្រមពន្ធដារ)

ស្វ័យប្រកាស សំដៅដល់ប្រព័ន្ធពន្ធដែលតម្រូវឱ្យអ្នកជាប់ពន្ធធ្វើការប្រកាសពីមូលដ្ឋាននៃការកំណត់ពន្ធរបស់ខ្លួន (ឧទាហរណ៍ : ប្រាក់ចំណូលជាប់ពន្ធដែលបានប្រកាសដើម្បីការគណនាពន្ធ និងបង់ពន្ធដោយខ្លួនឯងទៅតាមចំនួនដែលច្បាប់បានកំណត់)។ តួនាទីរបស់រដ្ឋបាលសារពើពន្ធ គឺជាអ្នកត្រួតពិនិត្យដើម្បីបញ្ជាក់ថា (តាមចំនួនជ្រើសរើស) អ្នកជាប់ពន្ធបានប្រកាសប្រាក់ចំណូលរបស់ខ្លួនត្រឹមត្រូវ។ នៅក្នុងបទប្បញ្ញត្តិស្តីពីពន្ធដារនៃព្រះរាជាណាចក្រកម្ពុជា របបស្វ័យប្រកាស សំដៅដល់របបប្រមូលពន្ធមួយ ដែលតម្រូវឱ្យអ្នកជាប់ពន្ធធ្វើការគណនាប្រាក់ពន្ធ និងដាក់លិខិត ប្រកាសនិងបង់ប្រាក់ពន្ធដោយខ្លួនឯង។ អ្នកជាប់ពន្ធតាមរបបស្វ័យប្រកាសត្រូវបានចែកជាបីប្រភេទ គឺអ្នកជាប់ពន្ធតូច អ្នកជាប់ពន្ធមធ្យម និងអ្នកជាប់ពន្ធធំ។