បង្វែរប្រាក់ចំណេញ = Profit Shifting (សទ្ទានុក្រមពន្ធដារ)

សំដៅដល់វិធីសាស្ត្រមួយដែលត្រូវបានប្រើប្រាស់ដោយក្រុមហ៊ុនពហុជាតិ ឬក្រុមហ៊ុនសម្ព័ន្ធ ដើម្បីបង់ពន្ធតិចដោយធ្វើការផ្ទេរប្រាក់ចំណេញដែលរកបាននៅក្នុងប្រទេស ដែលក្រុមហ៊ុនទាំងនោះទទួលបានពីការលក់ផលិតផលទំនិញ ឬសេវាកម្មទៅបង់ពន្ធនៅយុត្តាធិការកម្រិតពន្ធទាប ឬគ្មានបន្ទុកពន្ធ។ វិធីសាស្ត្របង្វែរប្រាក់ចំណេញ ត្រូវអនុវត្តតាមរយៈធ្វើការបែងចែកចំណូល និងចំណាយក្នុងចំណោមបុគ្គលទាក់ទិន ឬសាខាក្រុមហ៊ុននីតិបុគ្គល (ឧទាហរណ៍ : តាមរយៈការផ្ទេរថ្លៃ) ក្នុងគោលដៅកាត់បន្ថយកាតព្វកិច្ចពន្ធដាររបស់សម្ព័ន្ធសហគ្រាស (Group Company)។