វិនិយោគផលបត្រ = Portfolio Investment (សទ្ទានុក្រមពន្ធដារ)

-វិនិយោគផលបត្រ គឺជាការវិនិយោគក្នុងទម្រង់ជាក្រុម (ផលបត្រ) នៃទ្រព្យសម្បត្តិ ដែលមានរួមបញ្ចូលទាំងទម្រង់មូលធនភាគហ៊ុន (Equity) មូលបត្រ (Securities) ដូចជាភាគហ៊ុនទូទៅ (Common Stocks) និងមូលបត្របំណុល (Debt Securities) ដែលមានដូចជាក្រដាសប្រាក់ និងប័ណ្ណបំណុល (Bond)។
-ការវិនិយោគលើផលបត្រនៅក្នុងក្រុមហ៊ុនមួយ គឺជាការកាន់កាប់ភាគហ៊ុន ដែលគិតជាបរិមាណ គឺមានចំនួនតិច បើធៀបនឹងចំនួនភាគហ៊ុនសរុបរបស់ក្រុមហ៊ុន ដូចជាតិចជាង ១០% ជាដើម។ អ្នកវិនិយោគលើផលបត្រអាចនឹងទទួល បាននូវការបន្ធូរបន្ថយពន្ធផ្សេងៗគ្នា ឬការអនុគ្រោះផ្សេងៗ ចំពោះភាគលាភស្ថិតក្រោមសន្ធិសញ្ញាពន្ធច្រើនជាងអ្នកវិនិយោគផ្ទាល់ដទៃទៀត។