កម្មសិទ្ធិករ = Owner (សទ្ទានុក្រមពន្ធដារ)

-សំដៅដល់បុគ្គលដែលជាម្ចាស់លើទ្រព្យអ្វីមួយ។
ឧ. : សម្រាប់កម្មវត្ថុនៃពន្ធប្រថាប់ត្រា សំដៅដល់រូបវន្តបុគ្គល ឬនីតិបុគ្គលដែលមាន៖
-ប័ណ្ណសម្គាល់សិទ្ធិ ឬប័ណ្ណសម្គាល់សិទ្ធិកាន់កាប់អចលនវត្ថុ ឬវិញ្ញាបនបត្រសម្គាល់ម្ចាស់អចលនវត្ថុ ឬ ប័ណ្ណប្រហាក់ប្រហែលដែលចេញដោយរដ្ឋបាលសុរិយោដី និងលិខិតផ្ទេរសិទ្ធិកាន់កាប់ប្រើប្រាស់ដី ឬ ផ្ទះសម្បែង ដែលចេញដោយអាជ្ញាធររដ្ឋបាលថ្នាក់ក្រោមជាតិ រួមមាន ឃុំ សង្កាត់ ឬស្រុក ក្រុង ខណ្ឌ។
-ប័ណ្ណសម្គាល់យានយន្ត ឬជលយានយន្ត ដែលចេញ ដោយស្ថាប័នសាធារណការ និងដឹកជញ្ជូន។