អំពើរាំងស្ទះការអនុវត្តបទប្បញ្ញត្តិស្តីពីពន្ធដារ = Obstructing the Implementation of Tax Law (សទ្ទានុក្រមពន្ធដារ)

អំពើរាំងស្ទះការអនុវត្តបទប្បញ្ញត្តិស្តីពីពន្ធដារសំដៅដល់៖
ករណីដែលបុគ្គល៖
ក. មិនបានរក្សាបញ្ជិកាគណនេយ្យ និងឯកសារផ្សេងៗ ទៀត ឬមិនបានចេញវិក្កយបត្រលើកិច្ចការជំនួញ
ខ. មិនអនុញ្ញាតឱ្យរដ្ឋបាលសារពើពន្ធធ្វើការពិនិត្យ បញ្ជិកាគណនេយ្យ ឬឯកសារផ្សេងៗ
គ. មិនបានចុះបញ្ជីនៅរដ្ឋបាលសារពើពន្ធ
ឃ. មិនបានជូនដំណឹងទៅរដ្ឋបាលសារពើពន្ធអំពី ការផ្លាស់ប្ដូរក្នុងការចុះបញ្ជី ដូចមានចែងក្នុងច្បាប់នេះ
ង. កសាង ឬផ្ដល់នូវកំណត់ត្រាឯកសារ របាយការណ៍ ឬព័ត៌មានក្លែងបន្លំផ្សេងៗ
ច. លាក់ទុក ឬបំផ្លាញចោលដោយចេតនានូវបញ្ជីគណនេយ្យ កំណត់ត្រាឯកសារ របាយការណ៍ ឬ ព័ត៌មានផ្សេងៗទៀត
ឆ. ព្យាយាមធ្វើឱ្យរាំងស្ទះដល់ការកំណត់ និងការប្រមូលពន្ធ
ជ. មិនបានដាក់លិខិតប្រកាសសារពើពន្ធ ដែលគ្មានប្រាក់ពន្ធត្រូវបង់ក្នុងរយៈពេល៣០ ថ្ងៃ ក្រោយកាលបរិច្ឆេទដែលច្បាប់បានកំណត់
ឈ. ជួយជ្រោមជ្រែងដោយចេតនាដល់អំពើទាំងទ្បាយខាងលើ។
ករណីដែលមន្ដ្រីរាជការ៖
ក. ធ្វើឱ្យធ្លាយព័ត៌មានសម្ងាត់ដោយគ្មានការអនុញ្ញាត
ខ. ព្យាយាមធ្វើឱ្យរាំងស្ទះដល់ការកំណត់ និងការប្រមូលពន្ធ
គ. ជួយជ្រោមជ្រែងដោយចេតនាដល់អំពើទាំងទ្បាយខាងលើ។