ប្រាក់ចំណូលមិនជាប់ពន្ធ = Non-Taxable Income (សទ្ទានុក្រមពន្ធដារ)

-ប្រាក់ចំណូលមិនជាប់ពន្ធ សំដៅដល់ប្រភេទប្រាក់ចំណូលមិនជាប់ពន្ធ ដែលមានដូចខាងក្រោម៖
-ប្រាក់ចំណូលរបស់រដ្ឋាភិបាល ឬប្រាក់ចំណូលរបស់ស្ថាប័នរដ្ឋាភិបាល។
ប្រាក់ចំណូលរបស់៖
-អង្គការណាមួយ ដែលត្រូវបានរៀបចំឡើង និងដំណើរការសម្រាប់គោលដៅសុទ្ធសាធខាងសាសនា សប្បុរសធម៌ វិទ្យាសាស្រ្ត អក្សរសាស្រ្ត ឬអប់រំ ហើយគ្មានចំណែកណាមួយនៃទ្រព្យ ឬប្រាក់ចំណូលត្រូវបានប្រើប្រាស់ជាផលប្រយោជន៍ឯកជន
-សមាគមណាមួយ ក្នុងករណីដែលប្រាក់ចំណូលរបស់សមាគមទាំងនោះមិនត្រូវបានប្រើប្រាស់ជាផលប្រយោជន៍ឯកជនរបស់អ្នកចូលហ៊ុន ឬរូបវន្តបុគ្គល។ ប្រាក់ចំណូលលើកលែងពន្ធក្នុងចំណុចនេះ មិនរាប់បញ្ចូលប្រាក់ចំណូលពីសកម្មភាពដែលមិនស្ថិតក្នុងគោលដៅសុទ្ធសាធរបស់សមាគម ឬអង្គការទាំងនោះទេ។