ទ្រព្យសកម្មរយៈពេលវែង = Non-Current Assets (សទ្ទានុក្រមពន្ធដារ)

សំដៅដល់ចំណែក (ឬសមាសភាគ) នៃទ្រព្យសកម្មសម្រាប់ប្រើប្រាស់យូរអង្វែងនៅក្នុងសកម្មភាពអាជីវកម្ម និងរក្សាបាននូវរូបរាងដើមដដែលចាប់ពីពេលប្រើប្រាស់រហូតដល់ពេលឈប់ប្រើការ។ ទ្រព្យសកម្មដែលមានលក្ខណៈស្របតាមលក្ខណវិនិច្ឆ័យទាំងពីរខាងក្រោមនេះ ត្រូវចាត់ថ្នាក់ជាទ្រព្យសកម្មរយៈពេលវែង៖
១. ទ្រព្យសកម្មរូបី ឬទ្រព្យសកម្មអរូបីដែលសហគ្រាសបានទិញ ឬបានផលិតមិនមែនសម្រាប់បំប្លែងភាពដើមដើម្បីលក់ ឬមិនមែនទិញសម្រាប់លក់វិញ ប៉ុន្តែសម្រាប់ប្រើប្រាស់យូរអង្វែង។
២. អាយុកាលប្រើប្រាស់ត្រូវលើសពី១ ឆ្នាំឡើងទៅដោយគិតចាប់ពីពេលដាក់ឱ្យប្រើប្រាស់ពីដំបូង។