ផ្គត់ផ្គង់សេវាបង្ហោះកម្មវិធី-អាជ្ញាប័ណ្ណ ដាច់ដោយឡែកពីគ្នា = Application Hosting-Separate License (សទ្ទានុក្រមពន្ធដារ)

វាក្យសព្ទនេះ សំដៅដល់ការផ្គត់ផ្គង់ដែលអតិថិជនម្នាក់មានអាជ្ញាប័ណ្ណអចិន្ត្រៃយ៍សម្រាប់ប្រើកម្មវិធីសូហ្វវែរ (Software) មួយ។ អតិថិជនត្រូវចុះកិច្ចសន្យាជាមួយក្រុមហ៊ុនផ្តល់សេវាដើម្បីដំឡើងកម្មវិធីនោះនៅលើម៉ាស៊ីនមេដែលគ្រប់គ្រងដោយក្រុមហ៊ុនផ្តល់សេវា។ ក្រុមហ៊ុនផ្តល់សេវាបង្ហោះកម្មវិធីសូហ្វវែរ ជាអ្នកគាំទ្របច្ចេកទេស និងការពារភាពមិនដំណើរការនៃប្រព័ន្ធរបស់អ្នកផ្តល់សេវា។ អតិថិជនអាចចូលប្រតិបត្តិ និងបញ្ជាលើកម្មវិធីសូហ្វវែរពីចម្ងាយ។ កម្មវិធីនេះ ជាប្រតិបត្តិការលើកុំព្យូទ័ររបស់អតិថិជន បន្ទាប់ពីបានទាញយកកម្មវិធីទៅដាក់ក្នុង RAM ឬពីម៉ាស៊ីនមេរបស់ក្រុមហ៊ុនផ្តល់សេវា។ ការរៀបចំប្រភេទនេះ អាចអនុវត្ត ចំពោះការផ្គត់ផ្គង់ហិរញ្ញវត្ថុ ការគ្រប់គ្រងសារពើភណ្ឌ ការគ្រប់គ្រងធនធានមនុស្ស ឬការគ្រប់គ្រងធនធានសហគ្រាសនៃកម្មវិធីសូហ្វវែរ។