ប្រទានកម្មលើកទី១ = The First-Time Donation (សទ្ទានុក្រមពន្ធដារ)

នៅក្នុងបរិបទនៃពន្ធប្រថាប់ត្រា ប្រទានកម្មលើកទី១ សំដៅ ដល់ការផ្ទេរអចលនទ្រព្យណាមួយជាលើកទី១ ពីមនុស្សនៅរស់ទៅឱ្យសាច់ញាតិដោយមិនយកថ្លៃ ដែលត្រូវទទួលបានការលើកលែងពន្ធប្រថាប់ត្រា។ សាច់ញាតិទាំងនោះរួមមាន រវាងឳពុក-ម្តាយបង្កើត និងកូនបង្កើត រវាងប្តី និងប្រពន្ធ រវាងយាយ-តាបង្កើត និងចៅបង្កើត ពីឳពុកម្តាយបង្កើតទៅឱ្យកូនបង្កើតនិងកូនប្រសារ ដែលជាសហព័ទ្ធរបស់កូនបង្កើតនោះ ដើម្បីជាទ្រព្យសម្បត្តិរួមក្នុងអំឡុងពេលអាពាហ៍ពិពាហ៍ ពីយាយ-តាទៅឱ្យចៅបង្កើត និងចៅប្រសារដែលជាសហព័ទ្ធរបស់ចៅបង្កើតនោះ ដើម្បីជាទ្រព្យសម្បត្តិរួមក្នុងអំឡុងពេលអាពាហ៍ពិពាហ៍។