ចំណាយអភិវឌ្ឍន៍ = Development Expenditure (សទ្ទានុក្រមពន្ធដារ)

-សម្រាប់កម្មវត្ថុនៃប្រតិបត្តិការប្រេងកាត និងធនធានរ៉ែ វាក្យសព្ទនេះ សំដៅដល់៖
-ចំណាយដែលបានកើតឡើងបន្ទាប់ពីស្ថាប័នមានសមត្ថកិច្ច បានយល់ព្រមចំពោះគម្រោងអភិវឌ្ឍន៍ ដើម្បីសាងសង់មធ្យោបាយផលិតកម្មសម្រាប់ប្រតិបត្តិការប្រេងកាត ជាអាទិ៍មាន ការរៀបចំទីតាំង ការខួងអណ្តូង ការសាងសង់អណ្តូងសម្រាប់ផលិតកម្ម និងការសាងសង់បំពង់បង្ហូរប្រេងកាត ដែលជាមធ្យោបាយផលិតកម្ម ព្រមទាំងចំណាយផ្សេងៗទៀតដែលកើតឡើងនៅក្នុងការអភិវឌ្ឍស្របតាមកិច្ចព្រមព្រៀងប្រេងកាត។
-ចំណាយនានាទាក់ទិនទៅនឹងការរៀបចំទីតាំងសម្រាប់ប្រតិបត្តិការធនធានរ៉ែ ជាអាទិ៍មាន ការសាងសង់ផ្លូវចេញចូល ផ្លូវដឹកជញ្ជូន និងហេដ្ឋារចនាសម្ព័ន្ធ ឬមធ្យោបាយផ្សេងៗ ក្នុងគោលបំណងជីកយក ចម្រាញ់ បន្សុទ្ធ ធ្វើប្រព្រឹត្តិកម្មកែច្នៃ ផលិតកម្មស្តុកទុក ដឹកជញ្ជូន និងធ្វើពាណិជ្ជកម្មផលិតផលរ៉ែ។