កាត់ ដេរ និងតម្រឹម ហៅកាត់ថា “កដត” = Cut, Make and Trim “CMT” (សទ្ទានុក្រមពន្ធដារ)

គឺជាសកម្មភាពផលិតកម្មរបស់រោងចក្រកាត់ដេរ ដែលយកការរចនារបស់អ្នករចនាម៉ូដមកផលិតតាមបីដំណាក់កាល។ “កាត់” គឺជាដំណាក់កាលដែលសម្ភារត្រូវកាត់តាមលំនាំរបស់អ្នករចនាម៉ូដ “ដេរ” ជាដំណាក់កាលដែលសម្លៀកបំពាក់ត្រូវដេរភ្ជាប់ និងបង្កើតជាសម្លៀកបំពាក់ ហើយ “តម្រឹម” ជាដំណាក់កាលដែលសម្លៀកបំពាក់ត្រូវផលិតបញ្ចប់។
ឧ. : សម្រាប់វិស័យកាត់ដេរសម្លៀកបំពាក់នៅកម្ពុជា សហគ្រាសផលិតសម្លៀកបំពាក់សម្រាប់នាំចេញ ត្រូវបានអនុញ្ញាតឱ្យទទួលស្គាល់ជាទម្រង់ កាត់ ដេរ និងតម្រឹម ផ្អែកតាមកិច្ចសន្យាជាមួយម្ចាស់ទំនិញ ទោះបីវត្ថុធាតុដើម និងផលិតផលសម្រេចត្រូវបាននាំចូល និងនាំចេញក្រោមឈ្មោះសហគ្រាសក៏ដោយ។