នីតិវិធីនៃកិច្ចព្រមព្រៀងអញ្ញមញ្ញ = Mutual Agreement Procedure (MAP) (សទ្ទានុក្រមពន្ធដារ)

វាក្យសព្ទនេះ សំដៅដល់មធ្យោបាយដែលបណ្ដារដ្ឋបាលសារពើពន្ធ ពិគ្រោះយោបល់គ្នាដើម្បីដោះស្រាយបញ្ហា ឬវិវាទពាក់ព័ន្ធទៅនឹងការអនុវត្តអនុសញ្ញាពន្ធ (កិច្ចព្រមព្រៀង ស្តីពីការចៀសវាងការយកពន្ធត្រួតគ្នា)។ ជានីតិវិធីពិសេសមួយ ដែលមានពិពណ៌នា និងផ្តល់សិទ្ធិដែលមានចែងនៅ ក្នុងមាត្រា ២៥ នៃគំរូអនុសញ្ញាពន្ធរបស់ OECD ដែលអាចត្រូវបានយកមកប្រើប្រាស់សម្រាប់ដោះស្រាយបញ្ហា ឬវិវាទនៃពន្ធដារអន្តរជាតិជុំវិញករណីលុបបំបាត់ការយកពន្ធត្រួតគ្នា ដែលអាចកើតចេញពីការកែសម្រួលចំណុចសំខាន់ៗមួយចំនួនពាក់ព័ន្ធជាមួយនឹងការផ្ទេរថ្លៃ។