សញ្ញាប័ណ្ណ = Bond (សទ្ទានុក្រមពន្ធដារ)

សញ្ញាប័ណ្ណ សំដៅដល់ប្រភេទមូលបត្របំណុល ដែលតំណាងឱ្យកិច្ចសន្យាខ្ចីប្រាក់រវាងបុគ្គលបោះផ្សាយមូលបត្របំណុល(រួមមានសាជីវកម្ម សហគ្រាសរដ្ឋ ឬរាជរដ្ឋាភិបាល) និងវិនិយោគិន (ម្ចាស់មូលបត្របំណុល)។ តាមរយៈកិច្ចសន្យានេះ បុគ្គលបោះផ្សាយមូលបត្របំណុលមានកាតព្វកិច្ចបង់ឱ្យវិនិយោគិននូវចំនួនទឹកប្រាក់ជាក់លាក់មួយជាទៀងទាត់ ដែលហៅថា “គូប៉ុង (Coupon) ” ឬ “ការប្រាក់” (លើកលែងសម្រាប់សញ្ញាប័ណ្ណគ្មានការប្រាក់) ព្រមទាំងបង់ប្រាក់ដើមនៅពេលដែលសញ្ញាប័ណ្ណនោះឈានដល់កាលកំណត់សង ដែលហៅថា “ឥណប្រតិទាន”។ គឺជាប័ណ្ណបំណុលដែលមានចារឹកប្រាក់ដើម និងការប្រាក់របស់រដ្ឋាភិបាល ឬសហគ្រាស។ ជាទូទៅ អត្រាការ ប្រាក់ត្រូវ បានកំណត់តាមអត្រាថេរ និងមានឥណប្រតិទាន១ឆ្នាំ ឬច្រើនជាង។