វិធានកំណត់ភាពជាម្ចាស់ = Attribution Rules (សទ្ទានុក្រមពន្ធដារ)

វាក្យសព្ទនេះ សំដៅដល់វិធានក្នុងការគ្រប់គ្រងស្ថានភាព ដែលរូបវន្តបុគ្គល ឬនីតិបុគ្គលត្រូវបានចាត់ទុកថាជាម្ចាស់ភាគហ៊ុនដដែល ទោះបីភាគហ៊ុនទាំងនោះត្រូវបានផ្ទេរឱ្យម្ចាស់ភាគហ៊ុនផ្សេងទៀតកាន់កាប់ក៏ដោយ។ ការធ្វើបែបនេះ គឺក្នុងគោលបំណងទប់ស្កាត់ការគេចវេះពន្ធ។
ឧ. : លោក សុខ ទទួលបានចំណូលសុទ្ធ $១០០ ០០០ ពីអាជីវកម្មចំនួន ០៣ កន្លែង ដែលត្រូវជាប់ពន្ធតាមអត្រាកំណើនតាមថ្នាក់ខ្ពស់។ ក្នុងគោលដៅគេចវេះពន្ធ លោក សុខ បានប្តូររូបភាពអាជីវកម្មដោយបំបែកអាជីវកម្ម ០៣ កន្លែងនេះទៅឱ្យកូនរបស់គាត់ ០២ នាក់ ដូចនេះប្រាក់ចំណូលជាប់ពន្ធត្រូវបានបែងចែកជា ០៣ ដែលជាហេតុត្រូវជាប់ពន្ធតាមអត្រាកំណើនតាមថ្នាក់ទាបវិញ។ វិធានកំណត់ភាពជាម្ចាស់នេះ តម្រូវឱ្យលោក សុខ បង់ពន្ធផ្អែកលើចំណូលសុទ្ធ $១០០ ០០០ ដដែល។