កន្លែងនៃការអនុវត្តសិទ្ធិអំណាចគ្រប់គ្រងប្រតិបត្តិការជាក់ស្ដែងរបស់ អង្គភាពទាំងមូល = Place of Effective Management (សទ្ទានុក្រមពន្ធដារ)

-វាក្យសព្ទនេះ សំដៅដល់ទីកន្លែងនៃការធ្វើសេចក្ដីសម្រេចសំខាន់ៗរបស់ក្រុមហ៊ុនលើការងារគ្រប់គ្រង និងការងារអាជីវកម្ម ដែលជាផ្នែកដ៏សំខាន់ៗ និងចាំបាច់សម្រាប់ដំណើរប្រតិបត្តិការអាជីវកម្មរបស់ក្រុមហ៊ុនទាំងមូល។
-គេប្រើវាក្យសព្ទនេះសម្រាប់ធ្វើតេស្តកាត់សេចក្តីស្របតាមវិធានកំណត់និវាសនដ្ឋានរបស់សន្ធិសញ្ញាពន្ធក្នុងក្របខ័ណ្ឌ OECD ដើម្បីកំណត់និវាសនដ្ឋានជាក់លាក់របស់សហគ្រាសមួយ ដែលសហគ្រាសនោះអាចត្រូវបានច្បាប់របស់ប្រទេស នីមួយៗកំណត់ថាសុទ្ធតែមាននិវាសនដ្ឋាននៅប្រទេសរបស់ខ្លួន។ ការធ្វើតេស្តនេះ គឺដើម្បីកំណត់នូវលក្ខណវិនិច្ឆ័យមួយចំនួនដែលបញ្ជាក់ថាសហគ្រាសនោះមាន និវាសនដ្ឋាននៅក្នុងប្រទេសណាមួយដែលជាទីកន្លែង នៃការអនុវត្តសិទ្ធិអំណាចគ្រប់គ្រងប្រតិបត្តិការជាក់ស្ដែងរបស់អង្គភាពទាំងមូល។