ចំណូលសារពើពន្ធ = Tax Revenues (សទ្ទានុក្រមពន្ធដារ)

ចំណូលសារពើពន្ធ សំដៅដល់ចំណូលដែលរដ្ឋាភិបាលទទួលបានពីការបង់ពន្ធ-អាករក្នុងប្រទេស និងពន្ធ-អាករលើពាណិជ្ជកម្មក្រៅប្រទេស និងចំណូលសារពើពន្ធដទៃទៀត។ នៅប្រទេសកម្ពុជា ចំណូលពន្ធ-អាករក្នុងស្រុក និងលើពាណិជ្ជកម្មតាមប្រព័ន្ធអេឡិចត្រូនិក ចំពោះទំនិញឌីជីថល (Digital Goods) និងសេវាឌីជីថល (Digital Services) ប្រមូលដោយអគ្គនាយកដ្ឋានពន្ធដារ និងចំណូលពន្ធ-អាករលើពាណិជ្ជកម្មក្រៅប្រទេសប្រមូលដោយអគ្គនាយកដ្ឋានគយ និងរដ្ឋាករកម្ពុជា។ ចំណូលសារពើពន្ធទាំងនេះ គឺបង់ចូលថវិកាជាតិសម្រាប់ទ្រទ្រង់ការចំណាយលើប្រតិបត្តិការរបស់ក្រសួង-ស្ថាប័នរដ្ឋ ការដ្ឋានកំណែទម្រង់ទាំងឡាយ ការកសាង ការស្ថាបនា និងការអភិវឌ្ឍហេដ្ឋារចនាសម្ព័ន្ធសង្គម និងសេដ្ឋកិច្ចជាតិ។