កម្មវិធីណែនាំបន្តការលក់ទំនិញ និងសេវា = Sales Referral Programs (សទ្ទានុក្រមពន្ធដារ)

នេះជាប្រភេទកម្មវិធីផ្ដល់សេវាជួយផ្សព្វផ្សាយលក់ទំនិញ និងសេវាបន្ដជូនដល់អតិថិជន ឬអ្នកប្រើប្រាស់តាមរយៈការបង្ហោះរូបភាព និងព័ត៌មានសំខាន់ៗស្ដីពីទំនិញ និងសេវានៅក្នុងគេហទំព័ររបស់ប្រតិបត្តិករ ដែលជាអ្នកផ្ដល់សេវាបន្ដនេះ។ តាមរយៈកម្មវិធីនេះ មា្ចស់ទំនិញ និងសេវា ឬអ្នកលក់ផលិតផលតាមប្រព័ន្ធអ៊ីនធឺណិតបង់កម្រៃជើងសាទៅឱ្យប្រតិបត្តិករ ដែលជាអ្នកផ្ដល់សេវាជួយណែនាំបន្ដការលក់ទំនិញ និងសេវា។ ប្រសិនបើអ្នកប្រើប្រាស់ចុចលើតំណភ្ជាប់ផលិតផលណាមួយក្នុងចំណោមផលិតផលទាំងនោះ អ្នកប្រើប្រាស់នឹងបានចូលទៅកាន់គេហទំព័ររបស់អ្នកលក់ផលិតផលដើម្បីធ្វើការបញ្ជាទិញ។ អ្នកលក់ផលិតផលអាចកំណត់អត្តសញ្ញាណប្រភពតំណភ្ជាប់នៃការណែនាំការលក់ ដើម្បីធ្វើការបង់នូវកម្រៃជើងសាជូនប្រតិបត្តិករគេហទំព័រ ប្រសិនបើអ្នកប្រើប្រាស់ទិញផលិតផលនោះ។