តើពាក្យ «អង្គុលី» មានន័យដូចម្ដេច ?

អង្គុលី

👉ថ្នាក់ពាក្យជា នាមសព្ទ
មានន័យថា ( សំ. បា. ឬ សំ. ជា អង្គុលិ ក៏មាន ) ម្រាមដៃ; ធ្នាប់; អង្គុលៈ ( ម. ព. លិក្ខា ឬ លិក្សា ផង ) ។ អង្គុលីបញ្ចកៈ ឬ —បញ្ចង្គ ( —ប៉័ញ-ចៈកៈ ឬ —ប័ញ-ចង់ ) ម្រាមដៃទាំងប្រាំ ។ អង្គុលីប្រណម ឬ —ប្រណម្យ ( —ណំ ) ប្រណម្យម្រាមដៃ; ក្រពុំម្រាមដៃ ។ អង្គុលីផោដនៈ ( —ដៈន៉ៈ ) ការកាច់ម្រាមដៃឮសូរស្រស ។ អង្គុលីមុទ្ទា ឬ —មុទ្រា ចិញ្ចៀនមានត្រា ( ចិញ្ចៀនត្រា ) ។ អង្គុលីយកៈ ឬ អង្គុល្យាភរណៈ ( —យៈកៈ ឬ អង់-គុល-យាភៈរៈណៈ ) ចិញ្ចៀន ។ អង្គុលីលេខ គ្រឿងប្រដាប់វាយពុម្ពអក្សរដោយចុងម្រាមដៃ, ម៉ាស៊ីនវាយអក្សរពុម្ព : រៀនវាយអង្គុលីលេខ ។ អង្គុលីវេស្ដ ( —វេស-ស្ដៈ ឬ —វេស ) ស្រោមម្រាមដៃ ( ស្រោមដៃ ) ។ អង្គុលីសន្ទេស ការផ្ទាត់ម្រាមដៃឲ្យសញ្ញា : ធ្វើអង្គុលីសន្ទេស ។ អង្គុលីសម្ភូតក្រចកដៃ ។ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត