តើពាក្យ «ហៀវ» មានន័យដូចម្ដេច ?

ហៀវ

👉ថ្នាក់ពាក្យជា នាមសព្ទ
មានន័យថា ចង្កូមសេះឈ្មោល ។
ឧទាហរណ៍៖ សេះដុះហៀវ ( ដុះក្នុងកាលដែលពេញទំហំ ) ។ ព. ទ. បុ. សេះញីដុះហៀវ មាន់ញីរងាវ ស្រីច្រៀងខាតល័ក្ខណ៍ ( សេចក្ដីងាយមិនបាច់អធិប្បាយ; ប៉ុន្តែក្នុងសម័យនេះ សកលលោករាប់អានស្រីចេះច្រៀងពីរោះថា”មានតម្លៃ” មិនបង្អាប់ថា”ខាតល័ក្ខណ៍” ដូច ព. ទ. បុ. នេះទេ ) ។

👉ថ្នាក់ពាក្យជា គុណនាម
មានន័យថា ( ស. ប្រើជា ហ្យើ់វ អ.ថ. ហ្យើ់វ ) ហួត, ហួតហែង ។
ឧទាហរណ៍៖ ប្រេង​ហៀវ ។ ហៀវ​ហែង ហៀវ​ហួត រឹង​ស្ងួត (ម. ព. ហែង ផង) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត