តើពាក្យ «ហើប» មានន័យដូចម្ដេច ?

ហើប

👉ថ្នាក់ពាក្យជា កិរិយាសព្ទ
មានន័យថា របើក​ងើប​ឃ្លាត​ពី​ទី​ប្រក្រតី ។
ឧទាហរណ៍៖ ក្តារ​ជញ្ជាំង​ហើប។

                      អណ្តែត​ងើប​ខ្ពស់​ឡើង ។
ឧទាហរណ៍៖ លុះ​កើប​យក​ស្រូវ​ខ្លះ​ចេញ​ទៅ មាឌ​ទូក​ហើប​ពី​ក្នុង​ទឹក​បាន មួយ​ចំអាម។

                      លើក​ ឬ​ក្រោក​ឲ្យ​ឃ្លាត​ឡើង​បន្តិច (បង្ហើប) ។
ឧទាហរណ៍៖ ទាញ​ឡើង​ឲ្យ​ហើប លើក​មិន​ហើប; ក្រោក​មិន​ហើប​ពី​កន្ទេល។

                      បញ្ចេញ​វាចា​ឬ​ចេញ​ស្តី។
ឧទាហរណ៍៖ ទុក​ជា​ស្តី​ឲ្យ​យ៉ាង​ណា​ក៏​មិន​ហ៊ាន​ហើប ។

                      ហើប​មាត់ បើក​មាត់​ឬ​ហា​មាត់​ស្តី ។ ហើប​មាត់​មិន​រួច ស្ងៀម​ឈឹង; ស្តី​ថា​មិន​កើត មិន​ហ៊ាន​ស្តី​ថា ។ ហើប​ហា ហា​មាត់​ឬ​បើក​មាត់​ស្តី ។ល។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត