តើពាក្យ «អេះអុះ» មានន័យដូចម្ដេច ?

អេះអុះ

👉ថ្នាក់ពាក្យជា កិរិយាវិសេសន៍
មានន័យថា ត្រេះត្រុះ ដោយទាល់គំនិតឬទាល់សម្ដី, ទាល់សេចក្ដីឆ្លើយ ឬក៏ដោយអផ្សុកចង់ក្រោកចង់ចេញ ប៉ុន្តែមិនហ៊ាន ព្រោះខ្លាចឬព្រោះញញើតជាដើម។
ឧទាហរណ៍៖ ធ្វើអេះអុះ, ចេះតែអេះអុះៗ ( ម. ព. រអេះរអុះ ទៀតផង ) ។ ព. កា. រំលឹកកុំឲ្យធ្វើ អេះអុះ ថា : កូនខ្មែរទាំងឡាយ ត្រូវហាត់និយាយ កុំធ្វើអេះអុះ ញញើតញញើម ច្រិមច្រុមត្រេះត្រុះ ត្រូវហាត់ឲ្យលុះ ជំនុំចំណោម ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត