តើពាក្យ «អេចអូច» មានន័យដូចម្ដេច ?

អេចអូច

👉ថ្នាក់ពាក្យជា កិរិយាវិសេសន៍
មានន័យថា ដែលចេញអាការបបូរមាត់អូចៗឬទុលហើបៗមិនច្បាស់ការជាថាអ្វី។
ឧទាហរណ៍៖ និយាយអេចអូច, ខ្សឹបអេចអូច ( ម. ព. រអេចរអូច ផង ) ។

                      ព. ប្រ. ដែលគ្រាន់តែខ្សឹបខ្សៀវចចាក់ចចុចនាយអាយមិនទាន់សម្រេចការជាអ្វីនៅឡើយ; រឆៀបរញេញ។
ឧទាហរណ៍៖ ឮគេនិយាយអេចអូចមិនទាន់ប្រាកដ ( និយាយថា រអេចរអូច ក៏បាន ) ។ ( ព. កា. ) : ខ្សឹបខ្សៀវអេចអូច ជួននាំឲ្យខូច ប្រយោជន៍តូចធំ ជួនកើតរឿងហេតុ ណាមួយពុំសម ជួនភ័ន្តច្រឡំ ព្រោះខ្សឹបអេចអូច ។ មានរឿងពីព្រេង ថ្លែងពីការលេង – ល្បែងខ្សឹបបង្ខូច ឲ្យបែកសាមគ្គី ខ្ទេចខ្ទីធំតូច ព្រោះខ្សឹបអេចអូច ខូចរដ្ឋទាំងមូល ។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត