តើពាក្យ «អើ» មានន័យដូចម្ដេច ?

អើ

👉ថ្នាក់ពាក្យជា និបាតសព្ទ
មានន័យថា ពាក្យឆ្លើយទទួលព្រម, អនុលោមតាម, មិនទទឹងទាស់ឬឆ្លើយឆ្លងតបសម្រាប់អ្នកធំនិយាយទៅរកអ្នកតូចឬសម្រាប់មនុស្សស្មើភាពនិយាយរកគ្នា។
ឧទាហរណ៍៖ ម៉ែ ពីសារួចហើយឬ ? –អើ! ; អើទៅចុះ!; អើ ត្រូវហើយ!; អើ ហ្នឹងហើយ! អើ បើឯងមិនទៅ អញក៏មិនទៅដែរ ! ។ ល ។ ព. ផ្ទ. ទេ ។ អើក៏ ដូច្នេះក៏, យ៉ាងហ្នឹងក៏ : អើក៏គួរដែរ!; អើ ក៏បានដែរ! ។ ចុះ ? ហ៏ចុះ ? មើលហ៏ ? អើក៏ចំណែកខាងអ្នក តើអ្នកយល់ដូចម្តេច ? អើចុះ ? រួចចុះ ? មើលហ៏ ? អើចុះបើគេមិនព្រមឲ្យ តើយើងនឹងថាម៉េច ? ។ អើតែមាត់ ព្រមតែមាត់ ( ចិត្តមិនព្រម ) ។ អើឬទេ? ព្រមឬទេ? : ម៉េចហ៏? អើឬទេ? ។ អើហ្ន៎! យីហ្ន៎! អើហ្ន៎!ពុំគួរបើយ៉ាងហ្នឹងសោះ! ; អើហ្ន៎! នេះហៅពេញជាល្អ! កុំអាលអើ! កុំអាលព្រម!។ យីអើ! ឬ យីអើហ្ន៎! ( ម. ព. ទាំងពីរនេះ ) ។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត