តើពាក្យ «អុះ!» មានន័យដូចម្ដេច ?

អុះ!

👉ថ្នាក់ពាក្យជា ឧទានសព្ទ
មានន័យថា ពាក្យលាន់មាត់ ដោយខ្លាចក្រែងដួល, ក្រែងធ្លាក់ ឬដោយនឹកស្ដាយ, ដោយមានក្រោធជាដើម។
ឧទាហរណ៍៖ អុះ! ធ្លាក់ហើយ! ( លាន់មាត់ថា ឱះ! ឬអោ៎ះ! ក៏មាន ) ។ អុះឱ! ឬ អុ៎ះអ៎ោ! ពាក្យទួញឬពិលាប : អុះឱ! មាសម្ដាយអើយ ! . . . ។ សរសេរជា ឧះ! ឬ ឧ៎ះ!, ឧះឱ ឬឧ៎ះអោ៎ ! ក៏បាន ។ ប្រើជា ឱះឱ! ឬ អោ៎ះអោ៎! ក៏មាន ។ ព. កា. ថ្លែងក្ដីទុក្ខឬពិលាប : អុះឱក្ដីទុក្ខ! ពីនេះទៅមុខ តើបានអ្នកណា នឹងជួយផ្គត់ផ្គង់ បម្រុងមាតា កាលមានបុត្រភ្ងា ធូរចិត្តធូរថ្លើម ។ ពីថ្ងៃនេះទៅ គ្រាន់តែរស់នៅ ដោយដកដង្ហើម ក្ដីព្រាត់ប្រាសបុត្រ ស្រយុតសម្បើម អុះឱដង្ហើម ខ្ញុំអស់ថ្ងៃណា !

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត